Կանադայի վարչապետ Մարկ Քարնին հայտարարել է, որ ԱՄՆ-ի հետ առևտրային բանակցությունները փոքր-ինչ ակտիվացել են, և Վաշինգտոնը սկսել է ավելի մոտենալ Օտտավայի դիրքորոշմանը։ Այս մասին հայտնում է Reuters-ը։ Երկու երկրները բանակցում են պողպատի և ավտոմեքենաների ներմուծման մաքսատուրքերը մեղմելու շուրջ։ Քննարկումները վերաբերում են պողպատի մինչև 50 տոկոս և ավտոմեքենաների 25 տոկոս մաքսատուրքերին։ Ակնկալվում է, որ համաձայնություն կարող է ձեռք բերվել մինչև նոյեմբերի 3-ին ԱՄՆ-ում կայանալիք միջանկյալ ընտրությունները։ Սակայն Վաշինգտոնը շարունակում է Կանադայից լրացուցիչ զիջումներ պահանջել։
