ԱՄՆ Կալիֆոռնիա նահանգի նահանգապետ, դեմոկրատ Գևին Նյուսոմը որոշել է մահապատժի դատապարտված բոլոր անձանց պատժաչափը փոխարինել ցմահ ազատազրկմամբ՝ առանց վաղաժամկետ ազատման իրավունքի։ Այս մասին հայտնում է ABC News-ը։ «Ես որոշել եմ օգտագործել ներում շնորհելու ոլորտում իմ սահմանադրական լիազորությունները և Կալիֆոռնիայում մահապատժի բոլոր դատավճիռները փոխարինել ցմահ ազատազրկմամբ՝ առանց վաղաժամկետ ազատման իրավունքի»,- ասվում է պաշտոնյայի բաց նամակում։ Նյուսոմը որոշումը բացատրել է համոզմունքով, որ Կալիֆոռնիայի կողմից դատապարտված ավելի քան 500 անձանց մահապատժի ենթարկելը հակասում է նահանգի արժեքներին։ Նա հավելել է, որ արդեն 30 տարի դեմ է մահապատժին։ Նահանգում մահապատիժ չի իրականացվել արդեն մեկ տարի։ Նահանգապետի որոշումից առաջ Կալիֆոռնիայում մահապատժի էր դատապարտված 548 անձ։ Նրանք սպասում էին դատավճռի իրականացմանը։ Նյուսոմի խոսքով՝ սա ամենաբարձր ցուցանիշն է ամբողջ Արևմտյան կիսագնդում։
