Հայաստանի ծանրամարտի հավաքականի անդամները շարունակում են ելույթներն աշխարհի առաջնությունում: Չինաստանի Նինբո քաղաքում ընթացող աշխարհի առաջնության 110 կգ քաշային կարգում նոյեմբերի 6-ին պայքարի մեջ էր մտել Հայաստանի հավաքականի անդամ Գարիկ Կարապետյանը, որը վնասվածք ստացավ և չկարողացավ շարունակել պայքարը։ Այս մասին հայտնում է Հայաստանի ծանրամարտի ֆեդերացիայի մամուլի ծառայությունը: Մինչ այս աշխարհի առաջնությունում Հայաստանի հավաքականից հրում վարժության բրոնզե մեդալակիր է դարձել Ալեքսանդրա Գրիգորյանը:
