Իսպանիայի իշխանությունները Սեուտայում սկսել են ծովային պատնեշի տեղադրումը՝ միգրանտների հոսքից հետո, հայտնում է El País-ը։ Կառույցի հիմնական տարրը կլինի 500 մետր երկարությամբ փչովի արգելապատնեշը։ Դրա ջրի մակերևույթից վեր գտնվող հատվածի բարձրությունը կկազմի 30-70 սանտիմետր, իսկ ստորջրյա մասը կհասնի մինչև 1 մետր խորության։ Բացի այդ, կտեղադրվի նաև Իսպանիայի ռազմածովային ուժերի կողմից տրամադրված լողացող հարթակների շարք։
