ՆԱՏՕ-ի ակտիվությունն Արկտիկայում սպառնալիք է ստեղծում Ռուսաստանի անվտանգության համար: Ինչպես տեղեկանում է «ՌԻԱ Նովոստի» գործակալությունից, այդ մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։ Ճեպազրույցի ընթացքում դիվանագետը նշել է, որ ՆԱՏՕ-ն քայլեր է ձեռնարկում Արկտիկայի տարածաշրջանում ռազմական գերակշռության հասնելու համար։ «Նման ակտիվությունը (խմբ.՝ ՆԱՏՕ-ի) Ծայրագույն Հյուսիսում, իհարկե, ուղղակի սպառնալիքներ է ստեղծում (խմբ.՝ Ռուսաստանի) անվտանգության համար», – ասել է Զախարովան։
