Ռուսաստանի առնվազն 26 խոշոր օդանավակայաններում ինքնաթիռների լիցքավորման սահմանափակումներ են գործում, հայտնում է «Верстка»-ն։ Որոշ օդանավակայաններում ինքնաթիռներին թույլատրվում է վառելիք վերցնել միայն մեկ թռիչքի համար։ Սահմանափակումները հիմնականում վերաբերում են օտարերկրյա ավիաընկերություններին, սակայն մի շարք օդանավակայաններում դրանք տարածվում են բոլոր փոխադրողների վրա։ Սահմանափակումների նոր ալիքը սկսվել է սեպտեմբերին, իսկ դրանց մի մասը սահմանվել էր դեռ հունիսին։
