Ճապոնիայում ավելի քան 1,6 միլիոն մարդ իշխանությունները տարհանվելու խորհուրդ են տվել՝ «Դուջուան» թայֆունի հետևանքով։ Թայֆունը մոտեցել է Ճապոնիայի գլխավոր՝ Հոնսյու կղզու Խաղաղօվկիանոսյան ափի կենտրոնական հատվածին։ Տոկիոյի պրեֆեկտուրայում տարհանման խորհուրդը վերաբերում է մոտ 130 հազար մարդու, իսկ հարևան Չիբա պրեֆեկտուրայում՝ շուրջ 983 հազար մարդու։ Նման խորհուրդներ տրվել են նաև Սիձուոկայի և Իբարակիի որոշ բնակիչների։ Թայֆունի կենտրոնը գտնվում է Հոնսյուի Խաղաղօվկիանոսյան ափի կենտրոնական հատվածից հարավ և շարժվում է հյուսիս-արևելք՝ ժամում մոտ 30 կմ արագությամբ։ Տոկիոյում ամբողջ օրվա ընթացքում տեղում է հորդառատ անձրև։ Օդերևութաբանները զգուշացնում են հորդառատ անձրևների, գետերի վարարումների և սողանքների վտանգի մասին՝ բնակիչներին կոչ անելով դուրս չգալ փողոց։ Որոշ շրջաններում վերջին երկու օրերին տեղումների քանակը գերազանցել է 410 մմ-ը, իսկ կանխատեսվում է ժամում մոտ 80 մմ ինտենսիվությամբ անձրև։
