ԱՄՆ նախագահ Դոնալդ Թրամփի վարչակազմը գործարկել է շուրջօրյա YouTube-ալիք՝ «Trump TV», որը ներկայացվում է որպես Սպիտակ տան գործունեության և նախագահի ելույթների հիմնական հարթակ։ Հեռուստաալիքի գործարկումը տեղի է ունեցել այն բանից հետո, երբ Թրամփը Սպիտակ տանը մուտք գործելու արգելք է սահմանել CNN-ի, MS NOW-ի և Politico-ի լրագրողների համար։ Երեք լրատվամիջոցները վարչակազմի դեմ դաշնային դատարան հայց են ներկայացրել՝ պնդելով, որ սահմանափակումները խախտում են իրենց սահմանադրական իրավունքները։ Միաժամանակ մի շարք ամերիկյան լրատվամիջոցներ հայտարարել են, որ առայժմ չեն օգտագործելու Սպիտակ տան միջոցառումներից ստացվող համատեղ աուդիո և վիդեո նյութերը։ «Trump TV»-ն հեռարձակումը սկսել է Թրամփի՝ հուլիսի 3-ին Մաունթ Ռաշմորում ունեցած ելույթով։ Ալիքի կարգախոսն է՝ «The Essentials Station»։ Նախաձեռնությունը քննադատության է արժանացել մամուլի ազատության պաշտպանների և դեմոկրատ քաղաքական գործիչների կողմից։ Նրանք այն բնութագրել են որպես «պետական լրատվամիջոց»։ Սպիտակ տունը, սակայն, այդ գնահատականը մերժել է։
