՝ անցյալ ամսվա վերջին մահապատժի անհաջող փորձից հետո, հայտնել են նրա փաստաբանները։ 50-ամյա Փայքը վերադարձվել է բանտ, որտեղ անցկացրել է իր կյանքի վերջին 30 տարիները, և շարունակում է բժշկական օգնություն ստանալ։ Այս մասին շաբաթ օրը հայտնել են նրա փաստաբանները։ Սեպտեմբերի 30-ին նա ողջ է մնացել պենտոբարբիտալ դեղամիջոցի երկու մահաբեր ներարկումից հետո, սակայն դրա հետևանքով հայտնվել էր ծայրահեղ ծանր վիճակում։ Այս շաբաթվա սկզբին Փայքը վերականգնել է գիտակցությունը և սկսել խոսել՝ ապշեցնելով փորձագետներին, բուժանձնակազմին և իր փաստաբաններին։ Նրա գործն այժմ աննախադեպ իրավիճակում է հայտնվել, քանի որ ենթադրվում է, որ նա միակ մարդն է, որը ողջ է մնացել մահացու ներարկման միջոցով մահապատժի ենթարկելու փորձից։ Հստակ չէ, թե ինչ բժշկական օգնություն է այժմ ստանում Փայքը բանտ վերադառնալուց հետո։ Սակայն նրա փաստաբաններն ավելի վաղ նշել էին, որ նրան սպասվում է «վերականգնման երկար ճանապարհ»։ Թենեսի նահանգի ուղղիչ հիմնարկների վարչությունը դեռևս չի հայտնել, թե ինչու մահապատիժը չի ընթացել նախատեսվածի համաձայն, թեև պաշտպանել է կիրառված մեթոդը։
