Հորդանան գետի Արևմտյան ափին իսրայելցի վերաբնակիչները հարձակվել են պաղեստինցիների, եվրոպացի դիվանագետների և ֆրանսիացի քաղաքապետի վրա։ Այս մասին հայտնել է Բելգիայի ԱԳ նախարար Մաքսիմ Պրևոն։ Հարձակման ենթարկվածների թվում են եղել Բելգիայի, Ֆրանսիայի և Լեհաստանի ներկայացուցիչներ։ Ֆրանսիացի քաղաքապետ Բեռնար Բոդուն հայտնել է, որ ձիթապտղի բերքահավաքին մասնակցելիս դիմակավորված անձինք իրեն գցել են գետնին։ Իսրայելի ոստիկանությունը հետաքննություն է սկսել։ Բելգիան կոչ է արել պատասխանատվության ենթարկել մեղավորներին և հայտարարել է, որ կպահանջի Եվրամիության պատժամիջոցներ կիրառել բռնությունների պատասխանատուների նկատմամբ։
