NASA-ի «Perseverance» մարսագնացը Մարսի վրա հայտնաբերել է մոտ 100 նանոմետր լայնությամբ փոշու մասնիկներ, որոնք մարդու մազից շուրջ 500 անգամ բարակ են։ Գիտնականների խոսքով՝ որոշ մասնիկներ կարող են ներթափանցել մարդու թոքեր, անցնել արյան շրջանառություն և վնասել օրգանները։ Մարսի փոշին պարունակում է նաև քիմիական միացություններ, որոնք մեծ չափաբաժինների դեպքում կարող են վտանգավոր լինել։ Մարսագնացը նաև ուսումնասիրում է, թե ինչպես է փոշին փոխազդում տիեզերական հանդերձանքի նյութերի հետ։ Այս տվյալները կօգնեն մշակել տիեզերագնացներին փոշուց պաշտպանելու միջոցներ՝ հաշվի առնելով NASA-ի՝ 2030-ականներին մարդկանց Մարս ուղարկելու ծրագրերը։ Գիտնականները շեշտում են, որ փոշին հաղթահարելի վտանգ է, որը պետք է հաշվի առնել ապագա առաքելությունների նախապատրաստման ժամանակ։
