Գլաուկոման աչքի հիվանդությունների խումբ է, վնասում է տեսողական նյարդը և հաճախ կապված է աչքի ներսում առկա ճնշման բարձրացման հետ, որը կոչվում է ներակնային ճնշում: Հնարավոր այլ պատճառների, բուժման մասին զրուցել ենք ակնաբույժ Ալինա Ներսեսյանի հետ։ – Ի՞նչ հիվանդություն է գլաուկոման։ – Գլաուկոման բավականին լուրջ և վտանգավոր հիվանդություն է, որը հանգեցնում է անվերադարձ տեսողության կորստի։ Քանի որ տուժում է տեսողական նյարդը՝ մահացած նյարդաթելերը հնարավոր չի լինում վերականգնել։ Դա է պատճառը, որ գլաուկոմայից կորցրած տեսողությունը բուժառուները որպես կանոն չեն կարողանում վերականգնել։ Եվ գլաուկոմայի բուժումը, ցավոք սրտի, սա է. պահպանել այն, ինչ ունի բուժառուն։ Այսինքն, այն տեսողությունը, որն այդ պահին նա ունի։
