Լեհաստանի Լյուբլին և Ժեշուվ քաղաքների օդանավակայանները ժամանակավորապես փակվել են ռազմական ավիացիայի ակտիվ թռիչքների պատճառով։ Այս մասին հաղորդում է Լեհաստանի օդային երթևեկության գործակալությունը (PANSA)։ «Ռազմական ավիացիայի ակտիվության կապակցությամբ Լյուբլինի և Ժեշուվի օդանավակայաններում ժամանակավորապես դադարեցվել է օդային գործողությունների իրականացումը», – ասվում է հաղորդագրության մեջ։ Լեհաստանի զինված ուժերի օպերատիվ հրամանատարությունը հաղորդել է, որ ռազմական ավիացիայի ակտիվությունը կապված է Ուկրաինայի արևմուտքին Ռուսաստանի հարվածների հետ։
