Ուկրաինայի Գերագույն ռադայի ֆինանսական հարցերի հանձնաժողովի նախագահ Դանիիլ Գետմանցևը դժգոհել է, որ խորհրդարանում բացակայում են տարրական հարմարությունները։ «Էլեկտրականությունը պարբերաբար է լինում։ Ջուր չկա։ Ջեռուցում նույնպես չկա։ Ամեն ինչ այնպես է, ինչպես բոլորի մոտ։ Դիմանում ենք»,- գրել է պատգամավորը Telegram-ի իր ալիքում՝ հրապարակմանը կցելով լուսավորված սենյակից արված լուսանկար։ Մինչդեռ Կիևի որոշ բնակիչներ արդեն երկրորդ օրն է՝ զրկված են էլեկտրականությունից և ջրից, իսկ Կիևի պաշտոնյաները, հեգնական վերաբերմունք դրսևորելով, բնակիչներին կոչ են անում պատրաստվել փողոցներում զուգարաններ փորելուն։
